أربعه علامات تعرف بيهم انت اتقبلت او لآ اثناء الـ انترفيو و ازاى تتصرف فى الموقف ده؟

محدش فينا يتمنى انه يترفض فى اى   Interview  ،  بس فى بعض الاحيان ممكن تحصل على رد فعل سلبى على اجاباتك او متلاقيش اى رد فعل اصلا من الـ     Interviewer  أثناء المقابلة!! 

و ده مؤشر مش كويس بس مش معناه انك تيأس من انك ممكن تتقبل فى المقابلة دى ، فى 4 علامات تكتشف بيهم مدى قبول او رفض الـ HR/ Recruiter ليك اثناء المقابلة :-

 1 - لما تتأكد انك مش الشخص المناسب للوظيفة!! عن اللحظة اللى بيبتدى ال HR يكلمك فيها عن متطلبات الوظيفة و كل المؤهلات اللى محتاجنها و اللى بتكتشف فيها ان ،  الحاجات دى مش عندك ، اما مكنوش موضحين ده فى اعلان الوظيفة أو انت معملتش بحث كويس و قدمت و خلاص.

 

فى الحالتين حاول تكون صادق و توضح انك فهمت الاعلان بشكل غلط و وضح انك عندك مؤهلات تانية ممكن يستفيدوا بيها سواء فى نفس الوظيفة او وظيفة تانية .

 2 - لما تلاقى ال Body Language للـ HR تدل على انه مش معجب او متأثر بكلامك على الاطلاق.  وده عادة بيبان لما تلاقيه مربع ايده و هو بيسمع ليك او حاطط ايده على خده او مش بيبصلك اساساً  و فى حالة انك لاقيت رد الفعل ده و انت بتجاوب على اى سؤال ده معناه انه مش مقتنع او متأثر بأجابتك فـ حاول تسأله اذا كانت محتاج يعرف اى معلومات اضافية او محتاجك توضحله اكتر اجابتك !!! لو فعلا طلب توضيح اكتر فا انت لسة عندك فرصة تانية  اما لو قالك لآ تمام !! يبقى خسرت السؤال ده و مفيش قدامك غير انك تستنى ان الـ Interview ينتهى و تبعتله بعدها ميل شكر يمكن يهتم و يراجع مؤهلاتك تانى.

 3 - فى حالة ان ال Interviewer بيسألك اسئلة ملهاش علاقة بالشغل: فى بعض الاحيان ممكن تعمل مقابلة شخصية مع Interviewer غير محترف و يسألك اسئلة غير متعلقة بالوظيفة و سعتها مش هيبقى عندك فرصة انك تعرض نفسك كأحسن حد للوظيفة دى  !! الحل انك تسأله بلطف ، ما مدى تعلق السؤال ده بأحتياجات الوظيفة و تحاول توجه المحادثة ليك و تتكلم اكتر عن مؤهلاتك وليه شايف انك احسن حد للوظيفة.

4 - فى اسوأ الاحوال لو اتأكدت انك هتترفض يعنى هتترفض: و ده ممكن يحصل عادى معانا كلنا بس الفكرة ازاى تستفيد من الموقف ده ، لو عملت كل اللى عليك و لقيت نفسك ضيعت الدنيا فى المقابلة و مستحيل يقبلوك !! سعتها ممكن تصارح الـ Interviewer بده !! وتقوله انك شايف ان مش انت الشخص الانسب للوظيفة وانك مأدتش كويس فى المقابلة و بتعترف بده و اطلب الـ Feedback  بتاعته على ادائك. وهو هيحترم ده جداً و يقدر صراحتك و شجاعتك و هيقولك رأيه و يديك Feedback ممكن تستفيد بيه فى اى مقابلات قادمة و تبقى استفدت بحاجة فى الموقف ده.

ملحوظة: كل المواقف دى ممكن تتجنبها بالتحضير والتخطيط الصح للمقابلة